هل هناك رجل مخلص؟
لا لا خل اكون اكثر تحديدا
هل من العدل ان تتوقع المرأة ان يخلص لها الرجل طول العمر؟
لي هاللحظة اقول لكم يا بنات ما فييش
ما شفتش
و مش حشوف
خصوصا الكويتي! و المصيبة يبرر افعاله السوده باسباب واهية تخليج تشكين في قواج العقلية
او انه ينكر
ينكر و يعترف
ثم ينكر ثم يعترف نصف اعتراف
ثم ينكر
ثم يعترف
ثم ينكر
و يقول لج..متى اعترفت؟
زين ليش يعني الخيانة؟ ودي افهم..الي متزوج يدور وحده
الي اعزب يدور وحده
الي مرتاح يدور
الي مو مرتاح يدور
و مطلوب من المرأة انها تصمد
..سالفة ان المرأة تخون لرد اعتبارها هذي في كتابي ( اي عندي كتاب..ماي بايبل) تستحق الطق بالنعل..مو اي نعل..زنوبة و شرط خضراء اللون و سحقت تحت ريل هيا الشعيبي او اي كائن حي او ميت يشابهها
خانك؟ عطيه طاف
متزوجته؟ عندج استعداد يضيع عمرج معاه؟ عيل تحملي
مشكلتنا ان الثقافة العربية تتطلب من المراة انها تكون ضحية و مضحية
هو يخون..اصمدي..تحملي
قضبي بيتج..ربي عيالج
مسحي شخصيتج..انسي كيانج
لا تتطلقين و تعيشين بعيد عنه
باجر يكبر و ايوز من طبعه القذر
مو متزوجته..تحبينه؟
عدليه
ربيه على ايدج
و انا ما وراي الا اربي فلان و علان؟
ليش ما يوصل جاهز و شد بلاده
بقراطيسه ..نظيف عفيف
مو من النوع الي تعوفه حتى قطوة الشوارع
الرجاله من هالنوع ما تتوب...الماي يروب
و هو ما يتوب
5 comments:
في وشفت واعرفه شخصيا
واحد يحب بنت الجيران ويموت عليها ، وخطبها واتفقوا على كل شي لكن توفت البنت قبل الملجه بأسبوعين بسبب خطأ طبي.......وبعدها ظل حوالي 40 سنة على ذكراها وماتزوج الا توه وهو طايف ال60
:)
التفاصيل بعدين :P
أكيد في مخلصين
أعتقد ان الريال يستسهل الخيانة، لدرجةإن مايشوفها على انها خيانة ويشرعها بكل حماقة لعدة أسباب، يعني مثلا متزوج ومرتك شحلاتها، تبصبص وتقل ويهك مع فلانة و تبي تكلم علنتانة ليش؟ "يمكن اتزوجها!" انت الحين قادر على الأولى عشان تتفلسف وتاخذلك ثانية؟
كلها حجج واهية وحركات تعكس عدم نضوج وهبل
أما المرأة التي تعيش مع زوجها لأجل الأطفال تخدع نفسها، وتربي ابناء حاقدين معقدين نفسياً، لا يؤمنون بالحب والاخلاص أو حتى
السعادة
أكره لما يقولون، شلج بالريل الثاني؟ ربي عيالج! شدعوه العيال راح يموتون إذا تزوجت! هذا كله نابع من عقلية متخلفة تبي تحرم المرة من حقها بالاستمرار والمضي قُدُما والعيش بهناء! حلوة المضي قدماً مو؟
المهم.. وايد أحب يور بوستس.. دمتي :)
طرحج للموضوع باسلوب ساخر بصراحه .... جداااا عجبني وضحكني
وخصوصا طقه بنعل
اولا الغلط فعلا في مجتمعنا يربي الذكور على انهم الرجال اللي ما في منهم وكل نساء العالم عبيد تحت رجله
الغلط من الاهل من امه ومن ابوه وعلى ماربوه عليه
مابي اضلم المرأه واقول لازم تكونين مخلصه لزوجج وتلقلقين له بالطالعه والنازله
الزواج مو حرب الزواج روحين متشاركين ببناء بيت
ويعود الغلط من الاول على اسائه الاختيار و اعني ذلك بمعتقد مجتمعنا اللي لازم تتزوج وحده ماتعرفها ولا تعرفك وتتعرفون على بعض بعد الزواج
رجال مخلصين ! لا اعلم ان وجدوا او لا هذا شيء يعلمه الا الله
بس بنفس الوقت ليش ما اعطي نفسي مساحه حره واخليه على هواه من غير ما اشغل نفسي بانه وحده ثانيه تخطفه مني
خل اعطيه كل اللي اقدر عليه واذا صار اللي صار فهذا قسمه ونصيب واهوا الخسران
عن نفسي لااا ولن اقبل بالخيانه من الاول انا كشفت له جميع اوراقي عاجبه عاجبه مو عاجبه والله في محكمه تطلقني منه ومع السلامه روح مع اللي خنتني وياها انا اعرف بنهايه الطريق اني صح واهوا غلط والقلب دعيلووو ياختي
اهم شي اكون ارضيت نفسي وارضيت ربي وارضيت معتقداتي
وبيني وبينج احسن اني طلقته عشان اجرب غيره لووووول
جاكو
حالة نادره
ما ينحسب
:)
ام السعف
انتي طافوا عليج؟
صيغة جملتج احس فيها امل بس ما فيها تأكيد
جلنار
شكرا على التعليق و حياج
اماتي شكرا على التعليق و ايضا حياج
Post a Comment