امس افكر- اسم الله علي و على افكاري- و انا اتسوق
ليش الرياييل - مو الرجاله- دعله حتى في الهدية
الرجاله معروف شتييب لهم
سم فيران, دقوس بو ديج منتهي الصلاحية, قوطي فاصوليا تفلعهم فيه, شي من هالقبيل
لكن الرياييل بشكل عام ليش عسرين في هالامر
الوحده اي المرأه تييب لها كل شي ممكن
من مكياج لي ككاو لي جنطه
اما الريال
اذا كرفته, يمكن يكون من لبيسة الوزار و مو كفو كرافته
اذا قلم, يمكن من تخرج من الجامعة ما كتب اسمه
اذا شيرت- مو بولو- ما تضمن حجم امتداد كرشه و ارتداده
اذا ككاو, يستعسر لانه فيه سكر
اذا بوك, تلقى درجه متروس ابواك من 1980
اذا عطر, تلقاه من اصحاب الافتر شيف و مخاصم العطور
او راعي بخور و دهن عود حتى في عز القيض
بعدين شنو هالهدايا الممله التكرره
نبي شي يديد
يعني ما بقى الا نييب صراويل مكسره و فنايل علاق
بس علشان نجدد
11 comments:
الريال كل شي يترس عينه
ويقول مشكوره وما قصرتي وليش الكلافه
بس بعض الناس
ان يبت بدلة جريب العيد قلتوا بيضرب عصفورين بحجر اهو ياب هديه وماله داعي يشتري بدلة حق العيد
ياب دراعه جريب رمضان قلتوا بيضرب عصفورين بحجر
ياب هديه بسيطه على أساس ان الهديه بالمعنى
قلتوا شهالجعص
بلشه
!!!
المفروض يمنعون بيع الفنيلة العلاق
اجابة على سؤالك, يعتمد على ستايلي وستايلك على قولة سوق السالمية
بزمة حق راعي البزمات
مسباح حق راعي المسابيح - اذا بو قليب بيخشهم بالتجوري او بصندوق البنك, لين تنسين انك يبتيه من الأصل, واذا ميت قلب يوديه الديوانية وينباق منه-
كيلوين ربيان ايراني حق راعي الحداق -والله فسقانين يحدقون بربيان-!
اشتراك بشو تايم وخدمة واي فاي اذا بيتوتي -وخلي الآي باد بعيد عن متناول اليد وكافي عليه الريموت كنترول-
كتب المطاحن اذا له بالطباخ
جنفجفة شركة زين عالم جميل -الوانها حلوة وحاجة ببلاش كدة- اذا يتردد بشكل يومي على ديوانية متخصصة باللعب, لين يتحرولون من قعدة القاع ويحوشهم ديسك برقبتهم او ظهرهم
هذا اللي يا على بالي ونأسف على استباحة مساحتك وكتابة تعليق اطول من البوست
ههههه
والله انا ومرتي متفاهمين عارفه انا شحب وانا اعرف شتحب.
الله يخليها لي يابت لي اول يوم عيد ايفون 4 وفاجئتني فيه بصراحة ..
وانا بييب لها ساعة أجنر .. وهي تحب منتجات اجنر كلها من جناط واكسسوارات وجناط .. الخ :)
يا سلاااام على الحب
بوجرذون ماخذ كل تفكيرج ومحتاسه مو عارفه شنو تيبين له عشان تفوزين برضاه
انا اقول يبيله جم عبوة ناسفة على سيارة مفخخة وانا مستعد اتبرع اوصله لي العراق او افغانستان اسويله انا وجم واحد من الربع احلى قطيه نكوده اهو وربعه في باص وعقبها مايشوفون شر إلى يوم يبعثون.....!
ييبيله كتاب كيف تقوي شخصيتك
:)
لوووووووووول
صباح البوستات الحلوة يا حلوة
هم لوووووووول
" اذا شيرت- مو بولو- ما تضمن حجم امتداد كرشه و ارتداده"
كااااااااك عندنا واحد ينطبق عليه هالمثل بالدوام
اقولج شي ... احسن شي لا تهادون وفكو عمركم :>
أنا أقول لج شالهدية التي تيبينها حق الريال ومحد راح يتذمر منها
زوجة ثانية حلوة
تصدقين
اشتريت له موبايل نوكيا بذيك القيمة
وذبحني يبي يعرف سعره قلت له
هدية ياحظي
وعقب فترة باعه
ماعنده فلوس
قلت توبة اشتريلك
واشتريت له عطر ومعه الشاور جل هدية العيد
وبعد يومين يسألني
هذا الكريم للجسم؟؟؟ لأني تدهنت فيه عقب الشاور!!!!!!!!!
طبعا الرد بيني وبين نفسي
مقص الرقيب
مااتوقع احد عنده نفس هالتحفة اللي عندي
مو كفو هدايا
انا احب أهدي الآخرين شيء يحبونه بشكل شخصي،، يعني مو لازم يكون هدية متفق عليها.. يعني حتى إذا يحب كتاب... اهديه شيء معين.. او طبخة معينة... او حتى لوحة مميزة .. او اكبّر له صورة شخصية من مناسبة مميزة مر فيها،، واحطها له مغلفة ... او تي شيرت عليه مقطع شعري... او ، ميدالية عليها معلم يحبه.. الخ
بالنهاية، الهدية، تعبير عن الحب
ولا تعورين قلبج معاهم... اللي ما يهديك لا تهدينه ، وافتكي من الأذية هههههه
قبلاتي لك
لووووول والله فصله
موفقه خيتي
ما يبيله بعد .. عزميه على باجلا ونخي وحطي له جم عود جبريت ، ونصيحتي فنايل الكابتن أو فنايل بو 3 بقرات + أوأبندرادو وعلشان لا تحتارين بحط لج لنك
http://www.youtube.com/watch?v=Di1LsdsMMi8&feature=related
تحياتي :)
Post a Comment