رمضان هالسنة غير
زايد الورع
زايد الايمان
زايده التقوى
زايد احترام الشهر الكريم
زايد الابداع الفني العفيف الشريف
زايدين الفنانين المحترمين
و زايدة جيلة الادب بين المخضرمين
تبون الدليل؟
واحد
الفنانة الشابه الي يمشي على زندها التيس
ابت..اي و الله ابت
الا ان تطلع علينا زند الست
المجولح الممولح
عمرك 30 سنه..و تمشين وراي واحد مراهق اسمه شوجي..حتى هويته الجنسية مضيعها
صج العقل نعمه
اثنين
الفنانة العظيمة
الي صار لها خمسين سنة في الكويت
بس تقط كل قطه هالكبر
سمعوا المقطع الي تقوله في مقدمة زبالة خميس
تقول نسابق ريح سكتنا
بفتح السين
يبا..هييي ..السكة بكسر السين
الله يذكرج بالخير يا حياة الفهد..صج لهجة كويتية عدله
المهم الفنانة عظيمو وه وه ..ما تشرب القهوة في رمضان
بس قررت تبوس راس عبداللطيف المتنبي
عفوا البناي
في غبقة عرمرم
ترى هو كبرج ..يعني البوس و التحضن و التلمس مش مسموحين يا ست يا موسه....خلصنا من فزه
اطلعت لنا موسه
ثالثا
مرتبط بثانيا
سر البوسه هو هذي القصيدة ..الي ودك تطق كاتبها طراق تسدحه على الارض
بعدين تييب ماي حار و تصبه في اذونه
مثل الحمير الي اذا دخل الماي اذونهم ماتوا
احلى مسلسل ها؟.
انا شاكه ان النهاية بتكون موسه تقوم من الغيبويه
و يطلع كل هذا حلم
بس اشعقبه؟ عقب خراب البصرة؟
اش هالكاتبة الوصخة ذات الافكار الاوصخ؟
خلصنا من فجر السعيد
و دراريعها و براطم ممثلاتها و احتكاراتها و ترقص بطلاتها
و السكر و الشقق
اطلعت لنا هذي..بالاسانسيرات و البوس و التلمس و التبول و حديث السرير
من نوع : " ما اقوم بواجباتي الزوجية تجاه زوجتي" " و" شكلك معرس يديد..و شكل مرتك على نياتها" و :مو قادر.. تعبان" حسبي الله علي ابليسكم من عالم
بس الاحلى ..ام نصيب
تقول الي يرفع قضية حجر على ابوه مو احنا
هذولاك اللفو
هههههههههههه
يخرب بيتج
عايله مطلعينها من درام الزباله حشى السامع
كل عيب و عله فيها
و هم الكاتبة عندها عقدة الاصل و تبي تبين لنا انها من عيال بطنها
لعنة الله على الجويهل الي فتح المجال لكم
اذا حتى ام نصيب تتحجي في اللفو و الاصل
علامات الساعه
المهم
عيدكم مبارك
و كل عام و طلقة في صماخ موسه ان شاء الله
27 comments:
لوووووووووووووول
أضحك الله سنك و أسعد فؤادج مثل ما ضحكتيني في هالبوست بوست مووووسة
لوووووووول
كل عام و إنتي بخير و بصحة و سلامه و ومن العايدين الفايزين إن شاء الله
حبوبه لا تقثج بوسه أخويه أخاف تزعل موووسة بوسه أبوية لووول مثل ما كل إلي بالمسلسل عيالها إحنا إلي ما نعرف ولا أهم هذا سنعهم عاااااااادي لووووووووووووووول
استغفر الله
إلا صج سـَكتنا ما انتبهت لها مو العادة ولا ما اطوفني اليوم بسمع شنو تقول على كل لأنهم ســَكة و بعدين هذا حد اليووش على كثر ما كلو من عيش الكويت لي الحين حجيهم منكس و يقولون كويتيين راحت أيام البصرة إلي وردتهم لنا
و إن شاء الله السنه اليايه ما نشوف
مسلسل عن اللفو ولا فيه أحد من اللفو لوووووووول
كل عام وانتي بخير طز :D
حده miss u و miss بوستاتج الروعة
تقبل الله طاعاتج وعساج من العايدين والفايزين
5oosh post 7eelch feehom, nas ma tef9a5 el7aya bzod ela brmo'9an.
3eedch mbarak mo8adman.
بصراحه كل المسلسلات هاسنه مادري شلونها...
كل عام و إنتي بخير... و انشالله السنه اليايه بلا تلفزيون ....
:P
كل عام وانتي بخير وبصحة وسلامة
---------
القصيدة حدها بايخة :/
وبعدين انتي محترة من المسلسل لانه يذكرج بطليقج الخاين بوجرذون
:P
وانتي بخير وصحة وسلامة وبوست يبرد الجبد وعيزت وانا اتحجى عن زوارة خميس خلاص خذا اكبر من حجمة :))
ههههههه
اتوقع طلعتي حرتنا كلنا بهالبوست من المسلسل ^_^ بس لو شنو تقولين الكويتين مقتنعين ان احسن مسلسل على الرغم من " الوصاخه"
ماعندي شي اضيفه صراحه كفيتي و وفيتي وزوووووووود
و على مجهول الهويه\\ شجون بروايه اخرى "شوجي "عندي تحفظات لي الراس
ما ادري منو الخبل الي طلع اشاعه ان عرسها شهر10 ؟!! والله منو الصاحي الي يصدق ^_^
المهم ..
كل عام وانتي بخير وصحه وسلامه :)
بردتي جبدي
صاجه بكل كلمه قلتيها
و ايامج سعيده
تقبل الله طاعتج
لوووووووووول
أقوى تعليق سمعته عن المسلسل ..
الكاتبه شكلها عانس أو ريلها خاين ومتعقده من الرياييل ، فعشان جذي كرّهت الناس فيهم ..
المسلسل جداً وقح وجريء ، والأفضل ما ينعرض في شهر رمضان ، مو بس بشهر رمضان ، الافضل إنه ما ينعرض بالمرة ..
-
وبس عيدج مبارك وكل عام وإنتي بخير ..
الاخوةو الاخوات المعلقين
كل عام و انتم بخير
و عيدكم مبارك
و جاكو
بغلي عطاك عمره
الحين
قررت اتفطر بوحده دايخه و مضيعه حدها
صفحات ملطخة بغبائي
عفوا بحروفي
انتي صاحيه؟ لا والله جد انتي صاحيه؟
يايه هني عند طز بالرجاله و تقولين كلمة عانس و مطلقة؟
بإسم الله و الله أكبر
وين ساطوري حبيبي
بنحرج مع انه عيد فطر مو اضحى
يا ام الغباء و الهلاقه
ماهمني لولج ولا تصفيقج ولا يسوون عندي فلس واحد
بس ما استحيتي تحطين من قدر امرأة اخري بسبب وضعها الاجتماعي؟
اذا كنت انسة و تأخر زواجج ممكن نسميج عانس؟
و اذا انتي متزوجه و الله ما وفقج ممكن نعايرج لانك مطلقة و معقدة؟
حدج مضيعه ترى لما وصلتي عندي
و قلتي هالكلام
ما عرفتي طز عدل
كلام جميل .......كل عام وانتي بخير و ان شاءالله ماكو مسلسلات لوعو جبودنا
دمتي بصحه وعافيه
ههههههههههه
شكلج وايد مقهورة
المسلسل حلو والله بس ما يخلى من العيوب والشوائب :)
و توني أدري إن نسابق ريح سكتنا
معناتها سكة! خخ
عيدج مبارك:)
في أي جحر العزا؟؟؟
_______
اما "الملطخة" فكسرت خاطري تخرعين ، بعدين خلج واقعية اهي ضحية للمجتمع الي احنا فيه فكنت اتمنى لو كنتي نورتيها بأسلوب خالي من الهجوم واذا مافاد عندج اياها شغلي القصف الصاروخي المعتاد
لوووووووول
بردتي جبدي فيهم
مع اني ما تابعت المسلسل
لكني انغثيت منه و من كلام الناس عنه و من المسجات اللي كل شوي توصلني
انا مقاطع من زمان مسلسلات رمضان
عيدج مبارك
و عساكم من عواده
و تقبل الله طاعتكم
:)
تحياتي القلبية
أنا من المتابعين المتابعين وبشدة، بقولج بوستاتج مو بس بردت جبدي..ساعدتني بفترات صعبة و ليال حالكة!والله وبالله وتالله يو روك
من بوست بوكاهانتس إلى بوست عنتر الكويتي.. الله يسعدج نفس ما اسعدتينا
و كل عام وانتي بخير
كنت بعلق عالمسلسل بس نسيت نقطتي :\ ما عليه، عيدكم مبارك
يوم شفتج بأول البوست كاتبة عن زيادةالورع و الاحترام قلت أكيد بتكتب عن صابرين و حسن يوسف...هذيله اللي صج صج بدعو
اووووف
لا يا الاخت ، اعتقد تسرعتي بردج على الاخت
صفحات ملطخه بحروفي
قرأت تعليقها و رأيته في نوع من التشجيع و التأييد فيما طرحتي في
موضوعك بالبدايه
عندما قالت اقوى تعليق سمعته عن المسلسل
و فوقها ضحكه كبيره تنم عن استحسانها لموضوعك
و اعتقد و حسب ما فهمت انها تنتقد كاتبة القصه و المسلسل
عندما قالت يجب ان لا يعرض في رمضان
و ليست كاتبة الموضوع ( الي هي انتي ) و بعد ذلك
الاخت الكريمه صفحات باركت لك بالعيد و تمنت لك الخير
كل عام
هذا ما فهمت منها ، و كنتي قاسيه في ردك ضنا منك انها
تنتقدك على نقدك للمسلسل .
ان كان كذلك .. وجب عليك الاعتذار و الاعتراف بالخطأ
فانها فضيله .و الا سوف تتركين انطباع بانك لا تريدين من
البعض ان يعلق على ما تكتبين .
راجعي و اعيدي قراءة التعليقات . قبل الرد
لكي لا تفهمي ردود قرائك جطأً
لانه سيؤثر على مصداقاتك التدوينيه . و شكرا للجميع
ياعنيفه يا انتي تعجبيني
تقبل الله طاعتج وعيدج مبارك :*
بالعدااااال بالعدااااال
يا رابعة العدويه
هههههههههه
اللي يسمعج ما يقول انه صارلج فوق السنه تسفل وتحقر بجنس الرجاله
لسانج يعني يقطر عسل
ولا يعني ما قطيته بدليه من قبل
ولا يعني ما غلطتي
ولا يعني ما سبيتي
ولا بس انتي من النوع اللي ما يشوف عيوبه
بس عيوب غيره
ويوم انج تطنزين وتلعنين وتمصخرين عليهم
ليش متابعتهم ومقصصه اخبارهم وصورهم من الجرايد
ليش ليش ليش
هههههههههههههههههه
وسعي صدرج
ماكو الا العافيه
الموضوع كله انترتينمنت
ودمتم
جاكو
اكسرت خاطرك؟
انت عارف توجه المدونة
و اسم الله على خاطرك من الكسر
بيور سلك و ريماس و عبير و حنان و جلنار
عيدكم مبارك
الطش و الرش
لحظة لحظة! شالسالفة؟ منو انت داش كاتب صفحة كاملة تعليق و تقولي اعتذري؟ اخاف تمون علي بس و انا مادري؟
و ليش صاير محامي الشيطان؟ الاخت موكلتك عنها؟
زلغت شعورها الانترنتي؟ اخاف بس سابه اهلها و انا مادري!!
لا و مصداقيتي التندوينية؟ الو!! اخاف داش موقع مجلة العربي! ولا عالم المعرفة!!
و ما يعلقون عندي بعد؟
ابركها من ساعةو الله
المدونة مو مفتوحة لجمع التعليقات
و في تحذير في اول بوست عن استخدام كلمات تحقر المرأة بسبب وضع اجتماعي او غيره
عاد الي مو عاجبه
الباب مفتوح و ياسع بعارين
الوتين
عيدك مبارك و لج وحشة
جلنار
مشكورة على التعليق
و اسم الله عليج من الايام المتعبة
خلج قوية
تحياتي
بفك
كان عندي هواية قبل
اييب جيس البفك
بو خمسين فلس
لانه رخيص و ما يسوي اكثر من خمسين فلس
و ابطه
يسوي طاااااخ
و تطلع منه ريحه خايسه
اشوف البفك ما ياز من سوالفه..ليلحينه يسوي طااااخ
و مرات ينفس
يطلع صوت مزنوط
مناسب للريحة
هذي قصة قصيرة
بس ممكن اتبعها برواية...ساخنة
اذا دعت الحاجة
و اتمنى انها ما تدعو
تعليق انمسح
فيه وحده معلقة و و مسحت تعليقها بالغلط و ما انشر
تقول الاخت مس شيك على ما اتذكر
ان انا عندي هوس جنسي و ظلمت المسلسل الحلو الجميل العجيب التحفة
و ردي
مستشفى الطب النفسي عند دوار الصباح
روحي فتحي لج ملف
الحين انا ولا كاتبة المسلسل ام الافكار الوصخة الي حطيت مشاهد السرير و الاسنسير في المسلسل
ولا الحمره على شيرت المنصور
ولا مشهد السينما و الفضاله تقول له بعد كم حلقة..ما نقدر نطفي الي فينا
؟؟؟؟
انا ترا مليت من تعليقات المراهقين
لوعتوا جبدي بس يخرب بيتكم
من اكتب شي عن مسلسل او تلفزيون تطلع كل الحشرات تدافع
هههههه كلامج كله بالصميم
وعيدج مبارك
عدل كلامج ...مسلسلات فجر السعيد طلعت براءة عند مسلسلات هبة حمادة وكل شوي قالوا وااقع ووااقع
يعني شلون كل سوالف الفراش نعرضها بالتلفزيون على بو واقع؟
يا حلوج وحلو بوستاتج :****
كالعاده مبدعه :)
عيدج مبارك للمره الثالثه هههههه
والله يعينج على البدليات اللي ما تخلص هههه (( كلش ما اقصد روحي خخخخخ ))
على سالفة اللفو
انا استغربت ليش هالكلام
صج غلط انه العيال يسوون جذي بأبوهم
بس الكلمة هم غلط
في خلل بالمسلسل مع إنه الكل يسولف عنه ويتابع تفاصيلة
(:
الله يستر من رمضان القادم
Post a Comment