هااااع..مين هناك؟

سلام

هل ماتت البلوقات

ولا فيكم شده تقرون بوستات يديده؟

بعد غياب

سلام

اليوم في الكوفي شوب, هديت الكتاب الي صار لي دهر بخلصه و مو قادرة اركز و قعدت اتمقل في الي حوالي

اغلب الموجودين مواعدين

عيني عينك و الحجة الدراسة و الامتحانات

سرحت في حياتنا قبل...شلون كانت البنت تستحي و المفروض انها ما تكلم شباب حتى في الجامعة

حسيت اني من عصر ثاني

الدنيا تغيرت و انا ليما الحين احس بغضب شديد يتعلق بالتخلف الي كان يعيش فيه جيلي

و شلون أثر على وايد بنات اعرفهم

الي تزوجت و ما توفقت

و الي تطلقت

و الي ما تبي تتزوج خير شر

و الي تبي تتزوج بس مو عارفه تشيل راسها من الارض بسبة التربية الصارمة و مو عارفة تحط عينها في عين واحد في مكان عام

ايي ..اكو جذيه بنات

لا يستغرب احد

خنقتني العبره و انا اطالع الي حولي

شلون مشى الزمن

شلون كبرنا

شلون بعض الوجوه تغيرت

و تم حال ناس وايد واقف..محلك سر

هالايام ما اعرف اعبر عن غضبي

صايره قنبلة موقوته متحركة على رجلين

اخاف احد يقول شي..اي شي

اخاف انفجر في العلن

العادة انفجر هني..في هالمدونة

بس يقولون راح عصر المدونات

طرا علي الحين اني من يوم وقفت الكتابة هني

و الغضب يتراكم

يجوز هذا هو السبب

و يمكن لأني مريت بتجربة انسانية محبطة لما وقفت

عرفتني بناس و عرت وجوهم بسرعة شديدة

و ايضا رجعتني لمعرفة ناس قدم

و اكشفت وجوهم القبيحة الي ما كنت شايفه جانبها القبيح بسبب سنوات القطيعة الطويلة

ودي..لو مرة وحدة في حياتي

يمر على رجل واحد اقدر اقول عنه ادمي و يخاف الله في الناس

خصوصا في البنات حواليه

سواء في العمل او في الحياة العامة

يخرب بيت الرياييل حتى الديّن فيهم طلع....سرسري

تحياتي

ولهت على جاكو..وينك يا جاكو

اختك طز تناديك

اكلك منين يا ثلاثيني

حبايب قلبي المعلقين على البوست الاخير

شكرا على وجودكم

ملاحظة للأخوات المعلقات

لا تعتقدين يا اختي انه لانج وحده راح ينشر تعليقج عندي ان سبيتي الرجال بكلام جنسي وضيع

انت حالج من حال الرجاله

اذا سويتي جذيه

يعني انتي عندي دلييييت

المهم

سؤال الشهر

الحين الشباب الي عدى الثلاثين و ما تزوج

وين تروحون؟ وين تجمعاتكم؟ البنات يتشكون من ان الاماكن كلها يهال...احد يعلمنا

وين تاكلون؟ وين تشربون قهوة؟ وين تتجمعون للحوار و التعارف؟

المجتمع ما فيه مكان واحد للقاء و تعارف نظيف بين الجنسين

افيدونا خل نفيد بنات الناس

ايوه يا فندم

انا: اي حلوه الستارة..ابي هاللون و هالخام

البائع بنفس حلوه و ابتسامة: حاضر ..تؤمري

انا: كم السعر؟

البائع: بميه و عشرين

انا: لا غالي ..شدعوه..انا شاريه منك وايد

البائع: تؤمري...ام ايه بأه؟

انا: لا انا مو ام احد

البائع يكشر عن انيابه و تختفي الابتسامة: ربنا يرزئك!!

انا: طاقتني البوهه

ها اشقلت كم؟

البائع: ميه و خمسين اصل القماش غير..النوع ده خاص بالمحل بس

اول مره ادري اني اذا مو متزوجه اسبب ازمة اقتصادية للباعة

ويعه تويعكم

انا مو بحاجة ريال علشان اشتري برده

بس شنقول مجتمع تخلف

--------------------

انضم لتويتر و لا لأ؟

غادة لوكل

مرحبا

صج ما كان ودي اكتب شي عن التلفزيون و سوالفه بس ما قدرت

و منو عندنا غير تلفزيون الحرامي العود..بابا عود الناقلات؟ ابو خليف ابو عناقيص

و منو اولي بالطز من المذيعة الي طلعوها من قفص الشواذي المغبر الي اسمه تلفزيون الكويت

و عقب ما كانت تحاور مطربي الحواري و فناني السكيك صارت تحاور السياسين و تتفلسف علينا

الاخت ام تنانير موديل ايجبت

يمكن لان الماما من الفيوم

يخرب بيت ازياءها

المهم المذيعة الداثرة غاده رزوقي

الله يزيد النعمة

لا اسلوب لا شكل لا قدرات اعلامية لا عماة عين

و محامي شرس عن لا مباديء القناة الفاسدة التي تشتغل فيها

قاعدة اشوفها الحين

الشرهه مو عليها و الله الشرهه على الي راضين تحاورهم مذيعة ما تعرف كوعها من بوعها

خريجة جامعة الكويت ..خلصت البكالريوس خلال عشر سنين بس

عيل نواب مجلس و محامين هذي كل شوي تنط بالنص و تصلح لهم و تقطع عليهم و تقل ادبها عليهم و تحاجيهم بنفس؟

يبا ندري انج حكومية طيح الله حظك و حظ الحكومة معاج

و ندري خليف يصرف عليك و على الي خلفوج

بس شوي شوي

زين يسوي فيج العيدروسي محمد جابر

لما كنتي تضحكين و تطلبين قصص ضاحكة عن المرحوم غانم الصالح و هو توه ميت

و العيدروسي يبجي و انتي كر كر كر

و عطاج ايهاها على البارد

قال هذا مو وقت قصص و نكت

بس ما فهمتي

لانج ناقصة عقل

لا و المرتزق ياسر العيله في الجريدة يكتب غادة الكاميليا

لا يبا انتي غادة تراش

يعني اترجم لج

غادة لوكل

غادة بيئة

حسب اللهجة الي تفهمينها

غادة رزوقي

طز فيج

عفن عفن عفن

سؤال محيرني من سنتين

من يوم ما رديت من الغربة

الكوينيين ليش ما يستحون؟ ليش يطقونها في الويه و يعبرون بشكل غير ارادي مرات عن العفن الي متوطن في قلوب بعضهم مرات

؟؟؟

الامارت تحتفل في العيد الوطني

القناة الرياضية مستضيفة بعض الاشخاص

منهم حمد بوحمد

و ممثلين من شعبية الكرتون العجيبة

و الله يزيد النعمة...انتصار الشراح

الي بقوله الحين بيكدر ناس

بس انتو تعرفون

ولا بيهمني...خالص

قامت الاخت انتصار بشرح موقف مضحك صار لها في باريس و هو سخيف مثلها

زبدته انها اشترت اغراض من محل و نست البائعة انها تشيل السنسر او الجهاز الي يصدر صوت عند محاولة سرقة الملابس

و عند الباب رن هالجهاز

فقامت قطت الكيس الي فيه الاغراض على الحارس الي عند الباب من الخوف

كل هذا في السليم

لين قامت توصف الحارس هذا

قالت طويل و ...خال!!! ها؟ شنو؟؟

الله يفشلج ان شاء الله

على الهوا و تمثلين الكويت و يقولون لج الفنانة الكويتية القديرة كل شوي

و اخرتها الخال؟

الحين منو قاعد على يمينها؟؟؟

سعيد العويران!!! لا شحقه نروح بعيد

لا نلتفت يمين و لا يسار

لا يكون انتصارو بيضاء الثلج؟؟

تغطية الشعر الكناكر بالحجاب الي كلش ماله داعي و ما امنعج من تلمس زملائج في الطالعه و النازلة

ما يعني انج انتقلتي الى فئة اخرى

الملامح

الخشم

الصوت

ما ابي انبش اكثر علشان ما اكدر ناس زياده

اخاف انتصارو صدقت نفسها يس؟

يبا كلنا عبيد الله

و اذا بنبدا نقسم تقسيمات عنصرية

انتي يا انتصارو اول وحده بنشوتك

خارج الدائرة

الميه في الغربال

السؤال بو اميه مليون دولار

هل هناك رجل مخلص؟

لا لا خل اكون اكثر تحديدا

هل من العدل ان تتوقع المرأة ان يخلص لها الرجل طول العمر؟

لي هاللحظة اقول لكم يا بنات ما فييش

ما شفتش

و مش حشوف

خصوصا الكويتي! و المصيبة يبرر افعاله السوده باسباب واهية تخليج تشكين في قواج العقلية

او انه ينكر

ينكر و يعترف

ثم ينكر ثم يعترف نصف اعتراف

ثم ينكر

ثم يعترف

ثم ينكر

و يقول لج..متى اعترفت؟

زين ليش يعني الخيانة؟ ودي افهم..الي متزوج يدور وحده

الي اعزب يدور وحده

الي مرتاح يدور

الي مو مرتاح يدور

و مطلوب من المرأة انها تصمد

..سالفة ان المرأة تخون لرد اعتبارها هذي في كتابي ( اي عندي كتاب..ماي بايبل) تستحق الطق بالنعل..مو اي نعل..زنوبة و شرط خضراء اللون و سحقت تحت ريل هيا الشعيبي او اي كائن حي او ميت يشابهها

خانك؟ عطيه طاف

متزوجته؟ عندج استعداد يضيع عمرج معاه؟ عيل تحملي

مشكلتنا ان الثقافة العربية تتطلب من المراة انها تكون ضحية و مضحية

هو يخون..اصمدي..تحملي

قضبي بيتج..ربي عيالج

مسحي شخصيتج..انسي كيانج

لا تتطلقين و تعيشين بعيد عنه

باجر يكبر و ايوز من طبعه القذر

مو متزوجته..تحبينه؟

عدليه

ربيه على ايدج

و انا ما وراي الا اربي فلان و علان؟

ليش ما يوصل جاهز و شد بلاده

بقراطيسه ..نظيف عفيف

مو من النوع الي تعوفه حتى قطوة الشوارع

الرجاله من هالنوع ما تتوب...الماي يروب

و هو ما يتوب

انتوا غير؟

من اهم الاخطاء التي يقع فيها الناس عن انتهاء علاقتهم ببعض

او عند اصدارهم لقرار انهاء العلاقة

سواء صداقة او حب او علاقة اسرية حتى

هو انهم ينهونها من دون ابداء اسباب

بدون مواجهة

مجرد انهم يختفون من حياة الشخص..يجعلهم يعتقدون ان الامر انتهى

و في الحقيقة ان هذا التصرف يحرم الشخص الاخر و انفسهم ايضا من الحصول على ما يسمى بال

closure

او القفلة

و الي تعطيك احساس بالنهاية

او تريحك بمعى اخر لانك تفهم ليش صار الي صار

الاختفاء من حياة الاخرين دون ذكر اسباب للزعل او الغضب او الملل او غيره

بحجة انك ما تبي تجرح الانسان يعتبر تصرف طفولي غير ناضج

حتى اليهال يقولون لك لما يحاربونك

اليوم فكروا في الموضوع

دزوا ايميلات للي قطعتوهم

او دقوا على الي نهيتوا علاقتكم معاهم و حاولوا يوصلون لكم و ما اقدروا

عبروا عن مشاعركم انذاك

الحين قد تكون هدت النفوس و تقدرون تفهمون روحكم

و تفهمون غيركم بعد

الي ذابحنا في الكويت هو العلاقات الانسانية غير الناضجة

التي تبدا و تنتهي بغمضة عين

و ما يحكمها الا المصلحة

متى تكونون غير؟

بدنا ناجل( نوكل في رواية اخري) وياكم..ولا لأ؟

قوة

عيدكم مبارك

ما اوصيج

يوزي عن سوالف التلزق و لا تدقين على الي مضى

ولا تعطين الحالي عيدية ..استحي على ويهج شوي انتي وحده..تاخذين ما تعطين

خشي بيزاتج حق فرايديز ولا تفسفسينها على ورد و ككاو و هدايا ما راح يستفيد منها اساسا

قولي وين عيديتي؟؟؟ طالبي بحقوقج بعدين فكري بواجباتج

ولا ترى الكويتي ياكلج بقشورج و يسترخصج

شعارج لازم يكون شعار سيء الذكر السفيه مع التعديل

مو احنا بناكل وياكم

لا

" هذا هو دوري و زمني ..أكلني او آكلك...هم ..هم ..هم"

عيدكم مبارك

ايه ده يا راجل؟

مرحبا

امس افكر- اسم الله علي و على افكاري- و انا اتسوق

ليش الرياييل - مو الرجاله- دعله حتى في الهدية

الرجاله معروف شتييب لهم

سم فيران, دقوس بو ديج منتهي الصلاحية, قوطي فاصوليا تفلعهم فيه, شي من هالقبيل

لكن الرياييل بشكل عام ليش عسرين في هالامر

الوحده اي المرأه تييب لها كل شي ممكن

من مكياج لي ككاو لي جنطه

اما الريال

اذا كرفته, يمكن يكون من لبيسة الوزار و مو كفو كرافته

اذا قلم, يمكن من تخرج من الجامعة ما كتب اسمه

اذا شيرت- مو بولو- ما تضمن حجم امتداد كرشه و ارتداده

اذا ككاو, يستعسر لانه فيه سكر

اذا بوك, تلقى درجه متروس ابواك من 1980

اذا عطر, تلقاه من اصحاب الافتر شيف و مخاصم العطور

او راعي بخور و دهن عود حتى في عز القيض

بعدين شنو هالهدايا الممله التكرره

نبي شي يديد

يعني ما بقى الا نييب صراويل مكسره و فنايل علاق

بس علشان نجدد

عيد موسه

رمضان هالسنة غير

زايد الورع

زايد الايمان

زايده التقوى

زايد احترام الشهر الكريم

زايد الابداع الفني العفيف الشريف

زايدين الفنانين المحترمين

و زايدة جيلة الادب بين المخضرمين

تبون الدليل؟

واحد

الفنانة الشابه الي يمشي على زندها التيس

ابت..اي و الله ابت

الا ان تطلع علينا زند الست

المجولح الممولح

عمرك 30 سنه..و تمشين وراي واحد مراهق اسمه شوجي..حتى هويته الجنسية مضيعها

صج العقل نعمه

اثنين

الفنانة العظيمة

الي صار لها خمسين سنة في الكويت

بس تقط كل قطه هالكبر

سمعوا المقطع الي تقوله في مقدمة زبالة خميس

تقول نسابق ريح سكتنا

بفتح السين

يبا..هييي ..السكة بكسر السين

الله يذكرج بالخير يا حياة الفهد..صج لهجة كويتية عدله

المهم الفنانة عظيمو وه وه ..ما تشرب القهوة في رمضان

بس قررت تبوس راس عبداللطيف المتنبي

عفوا البناي

في غبقة عرمرم

ترى هو كبرج ..يعني البوس و التحضن و التلمس مش مسموحين يا ست يا موسه....خلصنا من فزه

اطلعت لنا موسه

ثالثا

مرتبط بثانيا

سر البوسه هو هذي القصيدة ..الي ودك تطق كاتبها طراق تسدحه على الارض

بعدين تييب ماي حار و تصبه في اذونه

مثل الحمير الي اذا دخل الماي اذونهم ماتوا

احلى مسلسل ها؟.

انا شاكه ان النهاية بتكون موسه تقوم من الغيبويه

و يطلع كل هذا حلم

بس اشعقبه؟ عقب خراب البصرة؟

اش هالكاتبة الوصخة ذات الافكار الاوصخ؟

خلصنا من فجر السعيد

و دراريعها و براطم ممثلاتها و احتكاراتها و ترقص بطلاتها

و السكر و الشقق

اطلعت لنا هذي..بالاسانسيرات و البوس و التلمس و التبول و حديث السرير

من نوع : " ما اقوم بواجباتي الزوجية تجاه زوجتي" " و" شكلك معرس يديد..و شكل مرتك على نياتها" و :مو قادر.. تعبان" حسبي الله علي ابليسكم من عالم

بس الاحلى ..ام نصيب

تقول الي يرفع قضية حجر على ابوه مو احنا

هذولاك اللفو

هههههههههههه

يخرب بيتج

عايله مطلعينها من درام الزباله حشى السامع

كل عيب و عله فيها

و هم الكاتبة عندها عقدة الاصل و تبي تبين لنا انها من عيال بطنها

لعنة الله على الجويهل الي فتح المجال لكم

اذا حتى ام نصيب تتحجي في اللفو و الاصل

علامات الساعه

المهم

عيدكم مبارك

و كل عام و طلقة في صماخ موسه ان شاء الله

قراء مو كفو

اعزائي القراء

بإستثناء الاربعة الي علقوا تحت و باركوا لي برمضان

و بإستثناء الحلوة الي دزت ايميل

انتوا مو كفو الواحد يكتب لكم بوستات

مستشره جدا اليوم؟ اي حدي

تستاهلون؟ و نص بعد

بكتب بعد؟ حق منو

مو قلنا مو كفو

Happy Ramadan

نشيدة الشهر

بالشلوت بالشلوت

للرجاله و علقه تفوت

بالشلوت بالشلوت

مهُما ياما خربوا بيوت

بالشلوت بالشلوت

للصايع و الضايع

و الكداب بالنبوت

بالشلوت بالشلوت

للجبان و الجربان و الشحات

و الفقران

ربي ابعتله مصيبة

و يموت

Talk to me!

سلام

مشكلة المشاكل هي الكوميونيكيشن بين الاحباب او الازواج

لاحظت اسم الله علي و على ملاحظاتي

ان الرجل بشكل عام و الكويتي بشكل خاص عنده مشكلة عظيمة في التواصل

اللفظي الي يعبر بواسطته - المفروض- عن مشاعره سواء بالرضا , السخط, الحب , او حتى الغضب

يعني اذا عصب يا روح يقحص بالسيارة و يحط خلق الله و عيالهم في خطر لأن الاخ يبي ينفس على روسهم في الشوارع

يا يكسر له مزهرية

يا يشرب

ماي بيذان لا تفهمون غلط

يا يروح الافنيوز يدخن و يتطمش على العالم

او يدح له اثنين كوارتر باوندر عالسريع مع واحد من الربع الي يستخدمه للملطشه من وقت الى آخر

لكن الي ما يعرف يسويه هو انه يعبر عن الشي الي منرفزه مع الشخص المعني علشان يحط ايده على المشكلة

و هم ماشاء الله البارتنر معاه ما تعرف تتصرف

حنه و رنه

قول لي و قول لي

يا انا يا مادري شنو

يا انا يا امك

يا انا يا ربعك

يا انا يا الاي فون

يا انا يا محروق صبعه

و هو طبعا يسمع التالي

بلا بلا بلا بلا

المصيبة الاكبر

الجيل اليديد الي ما يعرف يتكلم

بس يعرف يدز مسجز بالنقال

اول اعتراف بالحب صار مسج

اول هوشه ..مسج

اول مصالحة...مسج

أول مرة يقول لها تتزوجيني ..مسج

اول مره تقول له اي..هم مسج

يخرب بيتكم

وين بتتزوجون؟ في محل ابل؟

بتعيشون في عالم مُتخيّل؟ بتيبون عيال في الوايد وورلد وب؟

تعلموا تعبرون عن أنفسكم بالكلمات

المنطوقة و المسموعة

اول خطوة في حل المشكلة هو الاعتراف بوجودها

لما تسمع نفسك تتكلم عن هالمشكلة راح تتفاجأ شلون راح تتشكل ملامحها بطريقة أكثر وضوحا

و يمكن تنور لمبة فوق صماخك و تشوف الحل او جزءا منه

عبر بالكلمات احسن من الكوارتر باوندر

لان كروش الكويتيين لم تعد تتحمل المزيد من

the lack of communication

---------------------------------------------------------------

Now,

I have to address this issue

المدون بو عبدالملك

الحقيقية و الواقع يا اخ بو عيدالملك انني احس بالشفقة عليك

انت مو راضي تصدقني

لما ييت العيادة عندي و زميلي قلنا لك ان حالة العجز الي تعاني منها اسبابها فسيولوجية و غير نفسية

و بالتالي لا نملك ان نساعدك

و هم بالتالي اعتقد ان الحكومة وقفت العلاج بالخارج حق حالتك

علشان جذيه يوز و مو كل شوي ناط هني تحاول تنتقم

حاولنا نساعدك وما قدرنا فماله داعي الكلام الغلط و السب يا الاخ المسلم

فكر..يمكن هذي حكمة الله و ما يبيك تتكاثر و تترس الارض بفروخك المتخلفين دينيا

حكمة الشهر

إن كان الزواج سنة الحياة

فأنا قرآنية

يضرب الغبا شو بيزل

اكبر خطأ ممكن أن تقع فيه وحده هو ان تدفع فاتورة لرجل

يعني طالعين تتعشون

ريلج قال بيوديك فيلا فيروز بيوكلج تبوله و يسد حلجج

لا تنطين و تدقين الصدر و تقولين انا عازمتك

اولا شكلها حيل بايخ و انت مطلعة الكريدت كارد و هو قاعد

ثانيا شحقه متزوجة اذا بتدفعين فواتير الاكل؟

ثالثا بتعودينه و راح يشبط و يستحلي السالفة

الحب قال لج ابي اروح فيلم

شكو رازه و يهج عند الموفي ثييتر تشترين تذاكر؟

شكو؟ ترا و الله يسترخصج

دفعيه..خليه يحس انه مو انتي الي قاطه عمرج

لا ان هو المسؤول عن الطلعة

هو المتكفل فيها

لانج تستاهلين

ادري عندنا كرامة ...بس انا اكلمج من موقع تجربة

لا تدفعين حق ريال و لا خمس فلوس

الحب ما يقيسه هو بالفلوس

بيقول هذي مو لاقيه احد و قاعدة تدفع لي لأنها مبتلشه في عمرها

اما المصيبة الاكبر فهي السلف

من تحب الوحده يبدا مسلسل الشفط

هذا اختبار لج

لازم يمررج فيه الرجل الكويتي السكه

من صنف الرجاله

حق التجربة في هذا الامر مكفول حسب الدستور

لازم يحاول يشفط له كم بيزه

سيارتي خربانه

مريض و مابي اروح مستشفى عام

مسلف واحد و يهدد يبي يسجني

طلع ورثي بس ما وزعوه و انا محتاج كم بيزه لين يتوزع

زعلت مع اهلي علشانج ( اي صح) و طلعت بشقة

و احتاج فلوس اجار هالشهر...بس

اعرف وحده تحب واحد

اقعدوا في مطعم للحديث..راحت بيت الخلا عزكم الله

ردت لقته يحوس في جنطتها

ما لقا الا ربع...جان يقول لها باخذه للذكرى!!! بعدين اعرفت انه صب فيه بانزين

و في نفس اللقاء..طلب منها القلب الي في رقبتها..قال لها بحط عليه الماس

و بالأخير ما حصلت حتى ضرس عباس..مو الماس

بس المصيبة انها تمت فترة تقول لي

احببببه

حبتج القرادة

صج القط يحب خناقه

بعض البنات يعتقدون ان الحب لازم يأذي و يعور و يذل

لا يبا

الي قال يضرب الحب شو بيزل غلطان

يبا العقلية هي الي بتزل او بترفع

و الي ما عندو كرامة...يدورلو عا كرامة

او بيعمل نفسو عندو وحده

الناس ما تعرف الفرأ

الحب المفروض يخليج سعيدة

تحسين بأنج مرتاحة في جلدك و حياتج و بيئتج

بس من يفهم

عيزت منكم

الله يلعنكم زين

قبل كم يوم اقول حق نفسي الحمد لله

انقطعت ريول الزبالة الي يعلقون عندي

القمامة خفت من الطريق

شوي و لا ينط واحد قديم

لحظة بعدها و لا يعلق واحد يديد

يقول لي لي ابو العريف الاثول اليديد

انتي نسخة من شخصية في مسلسل

ولأني مو من متابعي المسلسلات

لأن بصراحة عندي حياة و مرات تمر أشهر ما اقدر احك راسي من الشغل

رحت سويت قوقل

طلعت شخصية معقدة و مطلقة و مادرس شنو و تكره الرياييل

اه يا رب

يا زبالة

يا رمم

يا تيوس

فجو عني

الله يلعنكم زين و يلعن الساعة الي دليتوا فيها مدونتي

المدونة مالتي و كيفي

مليت و انا اقول

يبا و اللللله للتسلية

و الله للغشمرة

و الله بس ابي الناس تستغرب و تبتسم

و اذا احد نط و قال لا تلعنين بنط بكرشه بعد

و الي مو عاجبه اسلوبي الخشن

اسم الله عليه ...مستعدة اطرش له واحد يقتله من التقرص

واي لا يا ربي

كل الذربين طاحو عندي

لسان زفر في الحياة العامة و يدشون هني يستشرفون علي

الحين بردت جيدي شوي

وسمك الأحمر

هناك أنواع مختلفة من الأنانية

لكن أنانية الرجل في علاقاته مع النساء تصل الى حد السماء

ثم ترجع الي الأرض..مكسورة , مطقوقة على راسها

في حالة عرفت المرأة كيف تعصر آخر حبة "ايقو" او الأنا الزائفة عند الرجل الأناني

شلون تعرفين انه اناني؟

اذا كان راسج يعورج ..حايشج صداع نصفي قاتل..و دق عليج

و افصحتي..يا سلام على الفصحان

عفوا اقصد الافصاح

افصحتي له عن هذا الامر

هل يتابع حديثه حول مجموعة الطوابع التي يمتلكها؟

هل يقص عليك مشواره اليومي الذي ختمه بأن مسح على رأس طابعه الجديد...الثروة القومية

التي ستحل محل الذهب الاسود؟

و كيف انه اتي بخرقة مبلولة لمسح الطابع الداثر هذا من اي اثر " للعاب" عالق به من من ايام خفرع

لما كان تلفزيون الكويت يعرض مسلسل هاواي فايف أوه؟

هذا اولا

ثانيا.. عمرك لا تحسبين محبته و اهتمامه بالفلوس و الهدايا

و لما يفاجئك بهدية غالية جدا جدا و من غير مناسبة

تأكدي انه مسوي بلوة سودة

و قاعد يا يهيئج للكارثة

او انه يبي يعمي عيونج عنها عن طريق دهن سيرج بالماديات

و ذا دق عليج اثناء السفر و خسر فلوس على المكالمات

لا تعتقدين انه مقطع الدرب على حبج

ترى مو مقياس

اهو يستثمر في العلاقة..بس مو معناته انه يبي شيء جد

باكر يطلع الي دفعه من خياشيم هالحب و يقط سمكة حبكم في البحر

و بعدين الحين اكو مليون برنامج يخليه يتكلم معاج لونغ ديستنت بلاش..فلا تشتطين وايد

و تعتقدين انه مو قادر على بعدج

الفراااااغ و ما يسوي

او التفلسف و النفخة الكذابة جدام الربع

و بعدين الحب يوّنس..خاصة في اول الايام

يرفع المعنويات

فإحتمال انه محتاج دفعه معنوية..مستعد انه يدفع لها نقدي..بس يحصلها

ثالثا

اذا انتي في علاقة قاعدة تتحول الى جد

اسئلي نفسج هالسؤال

اذا صار فيج مرض اليوم

و تحرولتي

هل تشوفين هالانسان واقف معاج؟ هل هو من هالنوع؟ ولا من نوع المهرولين؟

اذا اي..ابدئي انت بالتدرب على القفز بالزانة من اليوم

رابعا

علاج الانانية هو المعاملة بالمثل

ثقلي

ثقلي ثقلي

و الله محد مطيح حظ البنات

الا البنات انفسهن

يعني ما دق..زين ما راح تتغير خريطة العالم

ما صالحج؟ ما راح تخلص الفلافل من المطاعم

و لا بيوقفون استيراد جبن الحلوم

ولا بينقص الملح في صمونة البطاط و البيذيان الي تندفينها الصبح

ركدي

و حطي نفسج في المقدمة...اهو مسوي جذيه...انتي ليش ما تعاملينه بالمثل؟

خامسا

لما يصير رمضان و يقرر يشترك في دورة لتخفيف و شد الكرش بحجة الرياضة الرمضانية و دورة الروضان و هالسوالف

هل يتخلى عن عاداته اليومية بالسؤال عنج؟

هل يطق راس معرفتكم بالطوفة؟

هل "يلسب" حبكم ( على طريقة طلال الفهد) و يتركه صائما جائعا لا ترويه كلمة ولا يشبعه حقران؟

عيل من الحين

اختمي عليه

ضعي وسمك الاحمر على خشته

و اجعلى الشمع الاحمر يتشكل على "افاه" خاطا الجملة العظيمة التي عجزت النساء ان يأتين بمثلها

"طز بالرجالة"

نيو مياو

العودة قريبة جدا

ملاحظة على السريع

انا نادر جدا جدا جدا اني اعلق عند احد

و لما اعلق امشي و ما ارد اشوف الرد على تعليقي او انشروه او لا

اكتشفت ان تعليقي اليتيم عند مدون تم نشره ثم حذفه

بيييه

و الله متعب روحك

اخاف لما حذفته اموت يوع بس

و بتقطع عنى الحكومة الكهربا و الماي هالشهر

يبيلك عقلية نيو

جديدة

مو عقلية القطاوة

نيو نيو

اقصد مياو مياو